Rexha falënderon Prishtinën pasi Feronikeli fitoi titullin

Hoxha s’kishte pritur të shënonte gol ndaj Prishtinës

19 May 2019 18:19
19:08

Në një lidhje direkte për KTV-në, Yll Hoxha, “heroi” i Feronikelit në ndeshjen vendimtare me Prishtinën ka thënë se s’ka pritur që të realizonte në këtë ndeshje.

“Ishte mjaft e vështirë duke pas parasysh se Prishtina na ndoqi gjatë gjithë vitit. Duke pas parasysh se ka cilësi brenda dhe traditë ishte e vështirë shumë, por ashtu e arritëm. Në fakt s’kam prit të realizoj, por të asistoj. Asistet ishin vendimtare në disa ndeshje me radhë, por të bësh gol në këtë ndeshje është qershia mbi tortë edhe pse më erdhi keq për Prishtinën, sepse kam kaluar në gjenerata aty, por tani jam pjesë e Feronikelit dhe jap maksimumin tim”, ka thënë ai.

Në fund, Hoxha ka pranuar se kanë marrë premtime për premi, por nuk e di sa do të jetë ajo.

18:19

Rexha falënderon Prishtinën pasi Feronikeli fitoi titullin

Image

Sulmuesi i Feronikelit, Kastriot Rexha, ka falënderuar Prishtinën për luftën që ka bërë deri në xhiron e fundit për titullin e kampionit në Superligën e Kosovës.

Feronikeli fitoi titullin e tretë kampion në Superligë pasi në xhiron e fundit, në ndeshjen vendimtare, mposhti Prishtinën 1 me 0 në duelin direkt për titull.

“Me të vërtetë është një kënaqësi e madhe duke e marrë parasysh se deri në fund s’ishim të gëzuar për titull. E falënderojmë Prishtinën për luftën që ka bë, lojën fer dhe korrekte. Dëshmoi që është skuadër e madhe. Ua urojmë fitoren tifozëve. Ishim më këmbëngulës për të arritur golin duke ditur rrezikun”, ka thënë Rexha për “Supersport” pas takimit.

Ai ka thënë se meritat më të mëdha për këtë titull i ka presidenti i klubit, për çka ka thënë se shpreson që Kosova të ketë sa më shumë donatorë që e ndihmojnë futbollin.

Në anën tjetër, golashënuesi i vetëm i kësaj “finaleje”, Yll Hoxha, ka thënë se i vjen keq për ish-skuadrën e tij Prishtinën, por i vjen mirë që tash fitoi titullin me Feronikelin.

“Kam shumë respekt të madh për Prishtinën. Jam rrit aty. Respekt. Më erdh keq për ta, por më erdhi mirë për ekipin tim. Dua t’ia dedikoj golin familjes sime dhe djalit tim”, ka deklaruar ai.

© KOHA. Të gjitha të drejtat janë të rezervuara.

Komentet

Shto koment

Të ngjashme