Valencia – Arsenal, formacionet zyrtare

Arsenali me dy fitore ndaj Valencias kualifikohet në finalen e Ligës së Evropës

09 May 2019 20:01
22:47

Arsenali është kualifikuar në finalen e Ligës së Evropës pasi ka mposhtur Valencian në gjysmëfinale me rezultat të përgjithshëm 7 me 3 pas dy ndeshjeve.

Pas fitores 3 me 1 në shtëpi, “Topçinjtë” mposhtën spanjollët edhe si mysafirë. Këtë herë 2 me 4.

Pierre-Emerick Aubameyang realizoi hat-trick, derisa u ndihmua nga Alexandre Lacazette me një gol. Te Valencia dy golat i shënoi Gameiro.

22:30

Arsenali rikthen sërish epërsinë

Image

Arsenali ka rikthyer sërish epërsinë ndaj Valencias, 2 me 3.

Ishte Aubameyang ai që shënoi golin e tij të dytë në këtë takim, transmeton Koha.net.

Auba shënoi në minutën e 69 pas asistimit nga Niles.

22:18

Valencia barazon shifrat

Image

Valencia ka barazuar shifrat ndaj Arsenalit në 2 me 2, transmeton Koha.net.

Ishte sërisht Kevin Gameiro ai që shënoi sërish për vendasit.

Për të asistoi sërish Rodrigo, tani në minutën e 58.

22:09

Arsenali shënon sërish, shumë afër finales

Image

Arsenali ka realizuar edhe golin e dytë në ndeshjen e kthimit në fazën gjysmëfinale ndaj Valencias në Ligën e Evropës.

Alexandre Lacazette shënoi në minutën e 50-të për 1 me 2, duke e çuar rezultatin e përgjithshëm në 2 me 5.

Tani Valencias i duhet të shënojë edhe katër gola për të përmbysur rezultatin.

 

 

21:48

Valencia e Arsenali baras në pjesën e parë

Image

Valencia dhe Arsenali kanë mbyllur baras pjesën e parë të gjysmëfinales së kthimit në Ligën e Evropës.

Ekipet barazuan 1 me 1, me golat e Gameiros dhe Aubameyangut.

Rezultati i përgjithshëm deri tash, për dy ndeshjet, është 2 me 4 në të mirë të “Topçinjve”.

21:20

Aubameyang barazon shifrat me gol të bukur

Arsenali i është kundërpërgjigjur shumë shpejt Valencias duke barazuar shifrat në Mestalla, 1-1.

Ishte Aubameyang ai që shënoi një gol shumë të bukur në minutën e 17 pas asistimit nga Lacazette.

21:12

Valencia kalon në epërsi ndaj Arsenalit

Valencia ka krijuar epërsi të hershme ndaj Arsenalit.

Ishte Gameiro ai që shënoi nga afërsia kur po luhej minuta e 11 e takimit, transmeton Koha.net.

Ndeshjen e parë Arsenali e kishte fituar me rezultat prej 3 me 1, dhe tani rezultati i përgjithshëm është 3 me 2.

20:01

Valencia – Arsenal, formacionet zyrtare

Valencia e pret Arsenalin në ndeshjen e dytë gjysmëfinale të Ligës së Evropës, me synimin që të përmbysë gjithçka.

Në anën tjetër Arsenali hyn në këtë takim me avantazh prej dy golash nga ndeshja e parë, të cilën e kishte fituar me rezultat prej 3 me 1, transmeton Koha.net.

E sonte në “Estadio de Mestalla” do të vendoset finalisti i Ligës së Evropës.

Takimi nis në ora 21:00, derisa formacionet zyrtare janë këto:

Valencia:

Image

Arsenal:

Image

© KOHA. Të gjitha të drejtat janë të rezervuara.

Komentet

Shto koment

Të ngjashme