Liverpooli ka shënuar fitore të lehtë në Anfield Road ndaj skuadrës së fundit në tabelë, Huddersfieldit.
Skuadra e Jurgen Kloppit shënoi fitore prej 5 me 0, në një ndeshje ku shkëlqeu Mohamed Salah, transmeton Koha.net.
Golin e parë e shënoi Keita qysh në minutën e parë të ndeshjes nga një asistim i Salahut, që në këtë takim shënoi edhe dy gola.
Derisa dy golat e tjerë i shënoi Sadio Mane.
Vlen të theksohet se në këtë takim u inkuadrua edhe Xherdan Shaqiri në minutën e 73, derisa nga lëndimi pas një kohe të gjatë është kthyer Chamberlain.
Në krye të tabelës Liverpooli ka 91 pikë, derisa Huddersfieldi që ka rënë nga liga ka 14 pikë.
© KOHA. Të gjitha të drejtat janë të rezervuara.
