Kanë mbetur vetëm edhe katër xhiro deri në fund të stinorit në La Liga, por disa trajnerë mund të mos mbijetojnë deri atëherë.
Trajneri i Real Betisit, Quique Setien dhe ai i Gironas, Eusebio Sacristan janë në presion të madh pas serisë së humbjeve, ndërsa trajneri i Deportivo Alavesit, Abelardo Fernandez ka acaruar marrëdhënien me pronarin e klubit lidhur me të ardhmen e tij, shkruan AP, transmeton “Koha Ditore”.
Betisi nuk është në rrezik të bie nga liga, por është duke përfunduar stinorin aq dobët sa që Setien po e ndjen nxehtësinë në karrigen e tij.
Betisi ka fituar vetëm një nga shtatë ndeshjet e fundit në ligë, ndërsa ka pësuar humbje 3:2 nga rivali lokal Sevilla gjatë kësaj serie.
“Nuk më mbetet mua të vendos, por unë jam i bindur se do të mbetem”, ka thënë Setien të mërkurën, pasi skuadra e tij pësoi humbjen më të rëndë të stinorit, 4:0 në udhëtim ndaj Levantes. “është e vërtetë se klubi është në situatë të vështirë, pasi jemi në presion të madh. Ne do të kishim dëshirë që gjërat të shkonin më mirë. Nganjëherë planet e klubit dhe pritjet nuk përputhen. Por, do të befasohesha nëse klubi do të më shkarkonte këtë javë”, shtoi ai.
Setien ka ndarë tifozët e Betisit që nga ardhja e tij dy vite më parë. Janë ndarë në dy grupe: ata që pëlqejnë futbollin e tij ofensiv dhe ata që thonë se ai lë mbrojtjen tepër të ekspozuar. Betisi ka shënuar disa fitore të mira, siç ishte ajo 4:3 në udhëtim ndaj Barcelonës në nëntor, që ishte humbja e fundit e Barçës në këtë garë, por ka pësuar edhe humbje të rënda.
(Artikullin e plotë mund ta lexoni sot në “Koha Ditore”)
Artikullin e plotë mund ta lexoni në gazetën Koha Ditore. Klikoni këtu për t’u regjistruar falas.
© KOHA
