Arsenali me ofertë për Demirbayn

Arsenali me ofertë për Demirbayn

19 April 2019 21:51

Skuadra e Arsenalit i ka bërë ofertë Hoffenheimit për shërbimet e mesfushorit Kerem Demirbay.

Gazeta britanike "Daily Mail" ka njoftuar të premten se Arsenali ka ofruar 25 milionë euro dëmshpërblim për transferimin e tij në fund të edicionit, transmeton Koha Ditore.

Demirbay 25-vjeçar, tek Arsenali shihet si zëvendësim ideal për uellsianin Aaron Ramsey, që në verë do të transferohet te Juventusi.

Demirbay ka kontratë me Hoffenheimin deri në vitin 2022 dhe këtë edicion ka katër gola e gjashtë asistime në 22 ndeshje në Bundesligë.

Ai ka edhe dy paraqitje me Përfaqësuesen e Gjermanisë, kurse karrierë ka bërë edhe te Hamburgu, Fortuna Duesseldorfi e Kaiserslauterni.

© KOHA

Komentet

Shto koment

Të ngjashme