16:52

Feronikeli e Trepça ’89 fitojnë përballjet e para gjysmëfinale në Kupë

KF Feronikeli e KF Trepça ’89 kanë shënuar fitore në ndeshjet e para gjysmëfinale të Kupës së Kosovës në futboll.

Feronikeli e mposhti në udhëtim Ballkanin me rezultat prej 1 me 2, transmeton Koha.net.

Mendurim Hoti, e Mevlan Zeka shënuan për mysafirët në minutën e 30, respektivisht në minutën e 49.

E golin e vetëm për vendasit e shënoi Visar Berisha kur po luhej minuta e 88.

Finalisti i Kupës së Kosovës ndërmjet këtyre skuadrave do të mësohet më 1 maj kur luhet ndeshja e kthimit në Drenas.

Kurse në ndeshjen tjetër Trepça ’89 pothuajse ka prerë biletën për në finale, pasi e mposhti me rezultat prej 0 me 4 Vëllaznimin.

Hoti, Manaj, Muja e Traore shënuan golat për mysafirët.

Ndeshja e kthimit luhet më 1 maj.

16:15

Feronikeli e Trepça ’89 duke fituar në gjysmëfinale të Kupës

Feronikeli është duke fituar në ndeshjen e parë gjysmëfinale të Kupës së Kosovës në udhëtim ndaj Ballkanit.

Golat për mysafirët i shënuan Mevlan Zeka e Mendurim Hoti, transmeton KTV.

Në gjysmëfinalen tjetër Trepça ’89 është duke fituar ndaj Vëllaznimit me rezultat prej 0-2.

Për klubin mitrovicas golat i shënuan Hoti e Manaj.