Presidenti i Barcelonës, Josep Bartomeu, ka thënë se lojtari Ousmane Dembele tashmë është më i mirë se Neymari, lojtarin që e ka zëvendësuar në Camp Nou.
Neymar ishte larguar nga Katalonja drejt Parisit më 2017 për 222 milionë euro, e Barça transferoi Dembelen nga Dortmundi për 105 milionë euro.
Bartomeu për TVE ka folur edhe për zhvillimin e Philippe Coutinhos me klubin katalonas.
“Kam shpjeguar se kemi një projekt me Dembelen dhe Coutinhon me paratë e Neymarit. Dembele tani është në nivel më të lartë se Neymari, është lojtar më i mirë dhe është adaptuar tashmë”, ka thënë Bartomeu, teksa ka lavdëruar Coutinhon e ka shtuar se presin shumë nga ai.
Bartomeu më tej ka thënë se klubi që udhëheq nuk e ka në tavolinë çështjen e blerjes së Antoine Griezmannit nga Atletico.
