Driton Kuka i është gëzuar fitores së sotme të Nora Gjakovës në Grand Prix Tbilisi.
Gjakova shkëlqeu në Gjeorgji duke e mposhtur madje në finale kampionen olimpike, Rafaela Silva, transmeton Koha.net.
“Kampionia olimpike Silva gjunjëzohet para Norës. Pas disa humbjeve prej saj sot Nora në finale e mposhti kampionen olimpike aktuale brazilianen, Silva. Plot katër fitore për medaljen e art. Edhe Gjeorgjia sonte po njoftohet me simbolet tona shtetërore. Herën e fundit më 2016 nuk na lejuan por sot po. Bravo Nora, 700 pikë olimpike”, ka shkruar Kukan në Facebook.
