Sulmuesi i Interit, Mauro Icardi, ka deklaruar se Milani është vetëm zi e kaltër pasi skuadra e tij fitoi “Derby Della Madonnina” të dielën.
Argjentinasi nuk u paraqit as të dielën për Interin, por nuk ka hezituar të ngacmojë rivalët e qytetit pas fitores 3 me 2.
“Milani është vetëm zi e kaltër”, ka shkruar 26-vjeçari në një postim në Instagram si përshkrim të një fotografie ku Katedralja në Milano është e ngjyrosur me ngjyrat e Interit.
Numri 9 i Interit nuk ka luajtur që kur iu hoq shiriti i kapitenit më 14 shkurt.
