Derbi madrilen për sulmuesin Brandt

Derbi madrilen për sulmuesin Brandt

18 March 2019 14:56

Real Madridi dhe Atletico Madridi janë futur në garë për sulmuesin e krahut, Julian Brandt që pritet të largohet nga skuadra e Bayer Leverkusenit në fund të këtij edicioni, ka raportuar “Marca” të hënën.

Brandt 24-vjeçar, është njëri prej lojtarëve më të dalluar te ekipi gjerman këtë edicion kurse kartoni i tij, vlerësohet rreth 50 milionë euro, transmeton KTV. Si Reali ashtu edhe Atletico, e shohin Brandtin si përforcim ideal për edicionin e ardhshëm.

Brandt këtë edicion ka shënuar shtatë gola dhe ka bërë 13 asistime në 35 paraqitje në të gjitha garat. Ai te Leverkuseni u transferua në janar të vitit 2014 nga të rinjtë e Wolfsburgut dhe ka kontratë deri në verën e vitit 2021.

Brandt ka edhe 23 ndeshje dhe dy gola të shënuara me Përfaqësuesen e Gjermanisë.

© KOHA

Komentet

Shto koment

Të ngjashme