Dortmundi ka shënuar fitore shumë të vështirë në udhëtim te Hertha Berlinit.
Mysafirët dy herë e panë veten në disavantazh, por arritën të përmbysin gjithçka për të arkëtuar pikët e plota, transmeton Koha.net.
Kalou i dha epërsinë Herthës në minutën e katërt të takimit.
Dortmundi barazoi shifrat pas dhjetë minutave përmes Delaneyt.
Por, Hertha sërish riktheu epërsinë përmes Kalous që shënoi nga penaltia në minutën e 35.
Zagadou barazoi sërish shifrat në minutën e 47. E golin e fitores e shënoi Reus në minutën e 90+2 pas asistimit nga Sancho.
Në krye të tabelës Dortmundi ka 60 pikë, kurse Hertha në vendin e 10 ka 35 pikë.
