Vidhet shtëpia e Manes derisa ky po luante ndaj Bayernit Foto: Reuters

Vidhet shtëpia e Manes derisa ky po luante ndaj Bayernit

21 shkurt 2019 08:29

Policia në Merseyside po hetojnë një vjedhje që ka ndodhur në shtëpinë e yllit të Liverpoolit, Sadio Mane, raporton Sky Sports.

Vjedhja ka ndodhur të martën mbrëma gjatë kohës kur senegalezi po luante në Anfield Road në 1/8 e finales në Ligën e Kampionëve kundër Bayern Munichut, transmeton Koha.net.

Gjatë kohës së vjedhjes askush nuk ishte në shtëpinë e 26 vjeçarit në Allerton.

Mësohet se hajnat janë larguar nga shtëpia e yllit të Liverpoolit me orë, telefona mobil e çelësa të makinave.

Ekzaminimet mjeko-ligjore janë duke u kryer dhe një hetim rreth rrethanave për këtë incident është duke vazhduar.

Inspektori, Phil Mahon nga Policia në Merseyside ka bërë apel që njerëzit që kanë informacione rreth kësaj ngjarje ta ndihmojnë Policinë.

Mane ishte vjedhur edhe në nëntorin e vitit 2017 derisa po luante në Anfield në Ligën e Kampionëve ndaj Mariborit.

© KOHA

Komentet

Shto koment

Të ngjashme