Sport

Begaj suspendohet me tetë vjet për doping

Foto: Ilustrim
 

Peshëngritësja nga Shqipëria, Romela Begaj, është suspenduar me tetë vjet nga Federata Botërore e Peshëngritjes për përdorim të përsëritur të dopingut, pasi nuk ka arritur të dëshmojë arsyet për gjetjen e substancës stanazololit në trupin e saj.

Lajmi është bërë i ditur nga mediumet në Tiranë të enjten dhe, sipas tyre, karriera e Begajt me këtë vendim tashmë mund të konsiderohet e mbyllur. Begaj kishte rezultuar pozitive në janar të vitit të shkuar pas analizave që iu bën në botërorin e vitit 2017, ku kishte fituar medaljen e artë në kategorinë deri në 69 kilogramë, përcjell sot Koha Ditore.