Chelsea është kualifikuar në finale të EFL Cup duke e eliminuar në gjysmëfinale rivalin lokal, Tottenhamin.
Koha e rregullt përfundoi me rezultat prej 2 me 1, megjithatë fituesi u përcaktua vetëm pas penaltive, pasi ndeshjen e parë gjysmëfinale Tottenhami e kishte fituar me rezultat prej 1-0, transmeton Koha.net.
Kante e Hazard shënuan për Chelsean, derisa golin e vetëm për Tottenhamin e shënoi Fernando Llorente.
Në penalti Chelsea u tregua më efikase, duke shënuar katër penaltitë, derisa Dier e Lucas humbën penaltitë te Tottenhami.
Në finale Chelsea do të përballet me Manchester Cityn.
