Jose Mourinho dje është shkarkuar nga posti i trajnerit te Manchester United.
Klubi anglez vendosi për shkarkimin e Mourinhos, pasi renditet plot 19 pikë poshtë Liverpoolit kryesues, i cili pikërisht këtë diel e mposhti me rezultat 3-1, transmeton kp.
Gjithsesi, me trajnerin portugez solidarizohen kundërshtarët e tij të mëdhenj. Fillimisht ishte Jurgen Klopp, kurse tani edhe Pep Guardiola është ai që flet për shkarkimin e portugezit.
“Kur ndodhin gjëra të tilla unë ua mbaj krahun trajnerëve”, tha Pep. “Shkarkimi vjen kur rezultatet mungojnë. Klubet na kontaktojnë dhe projektojnë tek ne ambiciet e tyre për fitore, por askush nuk i di gjithë ato që përjeton një trajner”.
“Nga këto pozita unë jam me Mourinhon. Ai ka gjithë mbështetjen time dhe jam i bindur se me forcën e karakterit dhe eksperiencën e jashtëzakonshme që zotëron do të rikthehet shumë shpejt edhe më konkurrues së më parë”, ka përfunduar Guardiola.
-
19 dhjetor 2018 22:12
-
Shpërndaje në: