Jude Bellingham, Fran Garcia e Arda Guleri kanë shkaktuar bujë në rrjetet sociale për transferimin te Real Madridi. Por jo sa transferimi i Iker Diepas te klubi madrilen.
Iker Diepa Diaz është 13-vjeçar, por nuk tregon të njëjtën moshë në paraqitjen e tij.
“Bild” ka shkruar se mustaqet e Diazit kanë shkaktuar bujë në rrjetet sociale, në momentin që ai është shfaqur me fanellën e madrilenëve.
Klubi mbretëror e zyrtarizoi atë në Twitter, në vikendin e kaluar.
Ai do të zhvillohet në grupmoshën U14 të Realit.
Diepa u lind në vitin 2010, ndërsa për një kohë ishte te të rinjtë e Las Palmasit.
Edhe
“Guleri i ri”, transformim i jashtëzakonshëm i turkut të Real Madridit
Pas komenteve, disa prej tyre qesharake e disa me pyetje nëse është mosha e vërtetë e lojtarit, Akademia e Realit, “La Fabrica”, intervenoi duke komentuar në Instagram.
“Komentet e juaja janë turpëruese. Nuk e keni idenë se çfarë po flisni”, ka shkruar “La Fabrica”.
