Kosova nis me fitore rrugëtimin drejt medaljeve në Uzbekistan

Gjakova mposhtet në finale, siguron të Argjendtën

09 nëntor 2018 09:18
14:54

Nora Gjakova është mposhtur në finale të kategorisë deri në 57 kilogramë, për të mbyllur ditën e Kosovës me tri medalje, dy të Arta dhe një të Argjendtë.

Gjakova u mposht nga gjermania Stoll në Grand Prix që po mbahet në Tashkent të Uzbekistanit.

Në këtë Grand Prix, Distria Krasniqi dhe Majlinda Kelmendi siguruan medaljet e arta.

13:59

Kampionia Olimpike u kthehet medaljeve të arta

Kampionia Olimpike, Majlinda Kelmendi ka fituar Medaljen e Artë në Grand Prix që po mbahet në Uzbekistan.

Kelmendi mposhti zviceranen Tschopp në kategorinë deri në 52 kilogramë, për t’ia sjellë Kosovës medaljen e dytë të Artë nga ky Grand Prix.

13:19

Krasniqi e Artë në Uzbekistan

Distria Krasniqi ka fituar Medaljen e Artë në Grand Prix që po mbahet në Uzbekistan.

Krasniqi mposhti Eva Csernoviczkin në kategorinë deri në 48 kilogramë.

Pas Krasniqit në finale të kategorive të tyre do të ndeshjen edhe Majlinda Kelmendi e Nora Gjakova.

10:46

Kosova me lehtësi siguron tri medalje, në pritje për të Artat

Nora Gjakova ka mbyllur serinë e fitoreve në gjysmëfinale, duke mposhtur sllovenen Kaja Kajzer, për t’iu bashkuar Majlinda Kelmendit dhe Distria Krasniqit në finalet e Grand Prix që po mbahet në Uzbekistan.

Gjakova me një ippon mposhti sllovenen për të siguruar medaljen e argjendtë dhe tani siguron finalen në kategorinë deri në 57 kilogramë.

10:35

Majlinda e Distria kualifikohen në finale

Majlinda Kelmendi ka fituar në gjysmëfinale me Ippon ndaj Ana Perez box nga Spanja.

Ndërsa Distria Krasniqi ka mposhtur Amber Gersjes nga Holanda në gjysmëfinale, që të dyja janë kualifikuar në finale.

10:02

Edhe Distria e Nora fitimtare, kualifikohen në gjysmëfinale

Që të dyja, Distria Krasniqi e Nora Gjakova kanë shënuar fitore në çerekfinale.

Distria ka mposhtur gjermanen Katharina Menz me Ippon, ndërsa Julia Kawalczyk nga Polonia, që të dyja janë kualifikuar në gjysmëfinale, transmeton koha.net.

09:43

Majlinda mposht hungarezen, kalon në gjysmëfinale

Kampionia Olimpike Majlinda Kelmendi, nuk ka të ndalur.

Kelmendi ka mposhtur Reke Pupp, nga shteti i Holandës në çerek finale.

Majlinda kualifikohet për gjysëm finale.

09:18

Kosova nis me fitore rrugëtimin drejt medaljeve në Uzbekistan

Distria Krasniqi dhe Nora Gjakova kanë nisur me fitore rrugëtimin drejt medaljeve në Grand Prixin që po mbahet në Tashkent të Uzbekistanit.

Krasniqi fitoi në raundin e dytë ndaj izraelites Tamar Malca ndërsa Gjakova mposhti garuesen nga Venezuela, Wisneybi Machado.

Pas gjysmë ore do të ndeshet edhe Kampionia Olimpike, Majlinda Kelmendi që është në çerekfinale.

© KOHA. Të gjitha të drejtat janë të rezervuara.

Komentet

Shto koment

Të ngjashme