Dy premtimet e Ismajlit

Dy premtimet e Ismajlit

09 November 2018 08:38

Saktësisht gjashtë muaj më parë, Ardian Ismajli kishte dhënë fjalën se do të luante për Kosovën. Ish-presidenti i ndjerë i Federatës së Futbollit të Kosovës, Fadil Vokrri, e kishte vizituar atë në Kroaci, pasi kishte raporte se ai mund të luante për Shqipërinë.

Të mërkurën, mbrojtësi u përfshi për herë të parë në listën e kombëtares së Shqipërisë, ndërsa të enjten në një intervistë për mediat kroate ka bërë të ditur se para gjashtë muajsh i kishte premtuar përzgjedhësit të Shqipërisë, Christian Panucci se do të luante për Shqipërinë, shkruan sot Koha Ditore.

Bazuar në fjalët e Ismajlit i bie që ai përafërsisht në të njëjtën kohë ka dhënë dy premtime. Të ndjerit Vokrri, sipas një njoftimi të FFK-së, i kishte premtuar se do të luante për Kosovën, ndërsa përzgjedhësit italian të Shqipërisë se do të luante për Shqipërinë.

Ismajli 22-vjeçar të enjten ka folur për sajtin kroat "24sata.hr", pasi të mërkurën refuzoi të flasë për mediumet kosovare.

Në shkrimin në sajtin kroat thuhet që për vendimin e Ismajlit ka qenë vendimtare ftesa e Panuccit, "të cilit Ismajli ia ka dhënë fjalën që do t'i përgjigjet ftesës qysh para gjashtë muajve".(Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme