Unitedi përmbys Juventusin në Torino Foto: Reuters

Unitedi përmbys Juventusin në Torino

07 November 2018 22:52

Manchester Unitedi ka arritur të fitojë tri pikë të plota në përballjen me Juventusin në Torino, në kuadër të xhiros së katërt në fazën e grupeve në Ligën e Kampionëve.

“Djajtë e Kuq” ishin më të dobët në statistika, por iu mjaftuan pesë minutat e fundit të ndeshjes për të përmbysur “Zonjën e Vjetër” dhe për ta mposhtur me rezultat 1 me 2.

Cristiano Ronaldo kaloi Juven në epërsi në minutën e 65-të me një supergol ndaj ish-skuadrës, por Juan Mata në minutën e 86-të me një supergol nga gjuajtja e lirë barazoi gjithçka. Në minutën e parë shtesë, Alex Sandro shënoi autogol për fitoren e dytë të Unitedit këtë edicion në “Champions”.

Në tabelën e Grupit H, Juventusi ka nëntë pikë në pozitën e parë. Unitedi është i dyti me shtatë, Valencia ka pesë në pozitën e tretë e Young Boys në fund ka vetëm një pikë.

© KOHA. Të gjitha të drejtat janë të rezervuara.

Komentet

Shto koment

Të ngjashme