Trajneri nga Greqia, Ioannis (John) Tsirogiannis do të jetë në krye të skuadrës së Superligës së Kosovës në basketboll, Lipjani.
Tsirogiannis në këtë post ka zëvendësuar Blerim Krasniqin që u largua ditë më parë.
Ai në krye të Lipjanit do të debutojë të dielën në ndeshjen kundër GoldenEagle Yllit që zhvillohet në Suharekë.
Në dy vitet e fundit ka punuar në Rumani, duke e udhëhequr ekipin elitar të këtij shteti, CS Politehnica IASI.
Pas pesë xhirove në Superligën e Kosovës, Lipjani ka një fitore e katër humbje. Lipjani këtë edicion është inkuadruar në elitë si kampion i Ligës së Parë.
© KOHA. Të gjitha të drejtat janë të rezervuara.
