-
Nga:
Ardianë Dragusha
- 18 mars 2022 17:43
- Shpërndaje në:
Fëmijë të moshave të ndryshme në Kosovë shfaqin interesim për tenisin. Ata i shprehin pikëpamjet e tyre për një sport si ky. Në moshë kanë diferenca, por fusha e tenisit i bën gjithnjë bashkë në ushtrime.
Për teknikat e veçanta, qetësinë mendore e për zhvillimin fizik që ua ofron tenisi, ata thonë se e duan dhe se e zgjodhën që në fëmijëri.
Por në Kosovë, për t’u zhvilluar “sporti i bardhë” kërkohet infrastrukturë adekuate për tenis, gjë që mungon sipas trajnerit të tenisit Granit Bajraliu.
Ai punon me grupe të ndryshme dhe duke qenë vetë tenist përmend rëndësinë e marrjes me tenis në moshë të hershme.
Gjatë punës, thotë të ketë parë potencial të lartë te të rinjtë kosovarë.
Edhe
Tenisi, sport i dashur për fëmijët kosovarë, por pa infrastrukturë
Pos angazhimeve të tjera ditore, Fresk Sylhasi merret intensivisht edhe me tenis, sport që e ushtron prej 10 vjetësh.
Tregon se ka pasur edhe paraqitje jashtë vendit, duke treguar rezultat pozitiv.
Sfidues e dinamik, kështu e sheh tenisin 16-vjeçarja Forta Morina.
Përkushtim maksimal gjatë stërvitjeve tregojnë edhe dy të vegjlit, Hana dhe Shendi.
Ata madje i kanë të preferuarit e tyre për teknikat që i tregojnë në lojë.
Edhe
Tenistët e vegjël me ëndrra të mëdha
Katërshja që i përcollëm në një ditë ushtrimesh synimet i kanë të qarta.
Ata duan të renditen krah tenistëve botërorë, me kërkesën e vetme për të pasur hapësira që ua mundësojnë përgatitjet e nevojshme.
