Kanë kaluar 22 vjet nga lufta, por 83-vjeçarja Vahide Krasniqi, e ka të freskët çdo moment të asaj kohe.
Në odën e saj të vjetër në fshatin Burim të Malishevës, përveç shumë familjeve, ajo kujton të ketë pritur e përcjellë shumë ushtarë shtabesh të UÇK-së, të cilëve u kishte gatuar bukë e ushqime.
Nga shumë kujtime të asaj periudhe, më i veçanti për të mbetet strehimi i një ushtareje, emrin e së cilës, sot e mban mbesa e së moshuarës.
E vetme në odën e vjetër kishte mbetur 83-vjeçarja njërën prej ditëve të luftës, moment rreziku që i kanosej fshatit nga serbët.
Veç ushtarëve, Krasniqi kujton figura të njohura politike të jenë strehuar në këtë odë.
Rrugës së ushtrisë i ishin bashkuar edhe djemtë e saj.
Sa herë shkon në odën ekzistuese që në vitet e 80-a, Avdullah Krasniqi kthehet pas në kujtime që i ngjallin nostalgji.
Të njëjtën traditë mikpritjeje në ditë të vështira, familja Krasniqi thotë ta ruajë me fanatizëm edhe sot, me të vetmin dallim siç shprehet, tani në kohë lirie.