Rexhë Berberi ruan pamjen e vjetër e traditën e lokalit

Janë 4 dekada të kaluara në zanatin e njëjtë.

Si i vogël përditshmëria e tij kishte qenë në lokalin e babait, i cili në atë kohë e bënte këtë punë, e që atëherë Rexhep Qerimi, që njihet edhe si Rexhë Berberi, vazhdoi traditën familjare.

Edhe lokacioni në qytetin e Ferizajt, vazhdon të mbetet i njëjtë.

Klientët i ka të njëjtë dhe besnikë, pavarësisht ndryshimeve e rritjes së tregut.

Ditët e verës, e sidomos në festa, janë kohërat të cilat ia mbushin Rexhës lokalin, e që në këto raste edhe orari i punës është shumë i gjatë për të.

Agron Terzisë ky lokal ia kujton fëmijërinë, e sa herë që vjen nga Gjermania, ku jeton tashmë, ndalet për një prerje flokësh te Rexha.

Edhe SOT 28 sht 2022 Vesel Haxhijaha, berberi me 60 vjet përvojë

Shpresën për ta vazhduar këtë zanat, Rexha e ka te nipi i tij.

Nga duart e Rexhës zanati u bart edhe tek djemtë e rinj, të cilët tashmë kanë bizneset e tyre brenda dhe jashtë vendit.