Konsumimi i frutave që ndihmojnë në imunitet më të mirë

Muajt e dimrit përveçqë janë më të ftohtë zakonisht përcillen edhe me grip e viroza.

Shkak i kësaj, sipas raporteve nga institucionet vendore dhe ndërkombëtare të shëndetësisë, ka bërë që të rritet edhe numri i pacientëve në spitale.

E për këtë dietologia dhe nutricionistja Qëndresa Bilurdagi tregon se si të shëroheni nga gripat përmes ushqimeve të shëndetshme.

Sipas saj, vitaminat A, D, Omega 3, si dhe ajo C janë ndër më të rëndësimet gjatë dimrit, të cilat merren duke konsumuar pemë dhe perime.

Mollët, bananet e shegat janë disa prej frutave më të rëndësishme për një imunitet më të mirë.

Shkollimin për këtë profesion Bilurdagu e kreu në Turqi, ndërsa prej disa vjetësh merr pjesë në aktivitete të ndryshme që kanë të bëjnë me të ushqyerit e shëndetshëm.

Zyrën ku ajo punon e ka në qendër të Prizrenit, thotë se të shumtë janë personat që konsultohen me të për dietat apo mënyrën e të ushqyerit shëndetshëm.

Shpeshherë përveç fushës në lëmin e vet, ajo u ka ligjëruar rreth ushqimeve të shëndetshme edhe personave të prekur me kancer të gjirit.