15 kilometra në periferi të Prishtinës ndodhet fshati Radashec.
Peizazhi piktoresk që ofron ky fshat e ajri i pastër janë vetëm disa nga tiparet që e karakterizojnë.
Nga 16 familje sa jetonin në këtë fshat, rezidente kanë mbetur vetëm dy.
Ka vite prejse është shpërngulur nga fshati i tij i lindjes.
Është ky Sylejman Berisha, i cili thotë se nuk do të largohej asnjëherë nga fshati i tij po t’i plotësonte kushtet esenciale jetesa atje.
Edhe
Mes Evropës e Kramovikut, jetesa e vendësve dhe mërgimtarëve në fshatin e Rahovecit
Atmosfera që mbretëronte dikur në këtë fshat është e freskët në kujtesën e ish-banorit Berisha.
Thuajse çdo ditë të javës në fshatin Radashec shkon Rrustem Berisha.
Aty e ka shtëpinë e odën e vjetër, të cilën e ka rinovuar për t’i kaluar shpesh edhe javët.
Mungesa e energjisë elektrike, e rrjetit të internetit, për pjesëtarët e tjerë të familjes së tij, e pamundëson jetesën e përhershme atje.
Fshati Radashec i Prishtinës veçohet edhe për tokat pjellore që e mundësojnë kultivimin e kulturave të ndryshme bujqësore e zhvillimin e bletarisë si veprimtari.
Edhe
Selaca, fshati me bukuri të rrallë që po braktiset nga banorët
Por për Rrahim Berishën, të jetuarit në një fshat me vetën dy familje është e vështirë.
Shtëpinë e ka në fshat, por jetën e bën në qytet. Ky është përfaqësuesi i fshatit.
Sipas tij, po të ekzistonin kushtet esenciale për jetesë aty, do të ktheheshin edhe familjet e tjera.
Shpërngulja gjithnjë e më shumë e banorëve ishte shkas që të mbyllej edhe shkolla e vetme e fshatit.
Edhe
Fshati i djegur i Mitrovicës që u rindërtua pas luftës
Megjithëse edhe gjatë periudhës kur ajo ishte funksionale, banorët theksojnë të ketë pasur numër të vogël nxënësish.
Radasheci për ish-banorët mbetet vendi më i dashur, por vetëm për vizita të kohëpaskohshme, ndërsa janë banorë të tjerë ata që blejnë parcela në këtë fshat për ndërtime atje.
