Afro 10 kilometra në periferi të qytetit të Vushtrrisë, gjendet fshati Oshlan, ku edhe ndodhet shkolla “Mustafë Shyti”.
Me mbi 100 nxënës, kjo shkollë ka vite prejse e ka hapur mini-muzeun, ideator i të cilit ishte mësimdhënësi i Historisë, tash drejtor i shkollës.
“Kam qenë mësimdhënës i historisë dhe gjatë kësaj kohe më ka lindur ideja që ta hapë këtë mini-muze. Arsyeja ka qenë ruajtja e traditës dhe kulturës së të parëve, andaj i kam grumbulluar të gjitha këto eksponate bashkë me nxënësit”, thotë Burim Gjaka, Drejtor i shkollës “Mustafë Shyti”.
Edhe pse në një hapësirë jo të përshtatshme brenda shkollës, aty gjenden eksponate të shumta e të vjetra, dëshmi e periudhave të ndryshme, e mënyrës së jetesës dikur.
“Eksponatet që i përmban muzeu ndahen në tri kategori. Kryesisht ato e përshkruajnë punën e bërë nga të parët tanë. Janë jashtëzakonisht të vjetra dhe thuajse të gjitha janë punëdore”, thekson Gjaka.
E mirëpritur nga nxënësit ishte iniciativa për hapjen e një muzeu të vogël brenda shkollës, siç shprehet drejtori.
“Si ide iu është dukur brilante nxënësve, andaj edhe i kam stimuluar ata që të sjellin eksponate të vjetra, sepse kemi mbajtur edhe orë mësimore në këtë muze ku kemi ligjëruar për secilin eksponat veç e veç”.
Nuk janë të pakta sukseset që i numëron shkolla falë pjesëmarrjes së nxënësve nëpër gara të ndryshme.
“Kemi aktivitete të lira që i organizon shkolla e gjithashtu edhe përfaqësim nga nxënësit në gara të ndryshme të diturisë në të cilat nxënësit tanë kanë pasur sukses”, shprehet ai.
e eksponateve e ruajtja e tyre, sipas drejtorit Gjaka, ka peshë të veçantë pasi, siç thotë, dëshmojnë historinë, kulturën e traditat e dikurshme.
-
23 mars 2021 16:00
-
Shpërndaje në: