Kanë profesionet e tyre primare, por pandemia ishte shtysë që familja Kastrati të niste hapat e parë të një biznesi atraktiv.
Nënë e bijë me punëdore krijojnë dhurata të personalizuara, por për finalizimin e tyre kujdeset e gjithë familja.
Të krijonin diçka punëdore e kishin synim, pasi që zonjën e shtëpisë, Sebahate Kastrati, kjo formë e të punuarit e kishte përcjellë që në moshë të re.
Sipas Kastratit, diferencë bën tradita e të punuarit me dorë krahasuar me vitet e mëhershme.
Për vetëm tre muaj Donika Kastrati thotë të kenë parë suksesin e punës që kanë nisur.
Materialet që iu nevojiten i sigurojnë në tregun vendor, derisa kërkesat theksojnë t’i kenë pasur të vazhdueshme.
