Pamja e vitaminës C duke u bërë flluska në ujë është shumë e njohur për qytetarët. E edhe më shpesh në kohën e COVID-19. E këtë, qytetarët po e bëjnë për ta forcuar imunitetin, raporton KOHA.
Megjithatë, Milaim Abdullahu thotë se duhet pasur kujdes në masën e përdorimit të tyre dhe në informacionet që dalin nga kanalet jozyrtare e joprofesionale.
Edhe farmakologu Armond Daci, që ka bërë hulumtime dhe përcjell kërkimet shkencore për mjekimin e COVID-19, thotë se duhet kujdes në përdorimin e këtyre vitaminave, mineraleve e shtesave të ndryshme për imunitet.
Kujdes të shtuar sipas tij, duhet për ata që përdorin medikamente të tjera dhe që kanë sëmundje përcjellëse.
Përdorimi i këtyre të fundit, sipas tij, në rastin më të mirë bëhet kur dikush ka mungesë vitaminash a mineralesh, e që vërehet përmes laboratorit. Ndryshe, vitamina C përdoret edhe për të trajtuar pacientët me COVID-19.
