Shtojca për Kulturë

Shkrirja e akullnajave ekspozon relikte të Luftës së Parë Botërore në Itali

Artefaktet në kazermat e malit Scorluzzo u gjetën të ngrira në akull (Foto: “White War Musuem”)
 

Derisa akullnajat shkrihen dhe tkurren në Alpet e Italisë Veriore, relikte të ngrira prej kohësh të Luftës së Parë Botërore kanë dalë në pah. Ato përfshijnë shishe qelqi, kanaçe, letra, armë dhe kocka. U gjetën në kazermat e shpellave jo shumë larg majës së ftohtë të malit Scorluzzo, i cili arrin më shumë se 3 mijë metra mbi nivelin e detit në Italinë Veriore, pranë Zvicrës.

Ushtarët Austro-Hungarezë që ishin në ato kazerma po luftonin me trupat italiane në atë që u bë e njohur si Lufta e Bardhë. Atje në Alpe – larg nga i famshmi Front Perëndimor, një vend i luftës së përgjakshme midis Gjermanisë dhe Francës – trupat u ngjitën në lartësi të pasigurta në të ftohtin e madh për të gdhendur fortifikime në shkëmb dhe borë.