Shtojca për Kulturë

Kultura shqiptare në shënjestër të shovinizmit serbomadh

Prishtinë 1981

Është hera e parë në historinë e saj që kësaj kulture i bëhet akuza e shovinizmit shqiptaro-madh. Nuk i ishte bërë kjo as në kohërat më të errëta, atëherë kur kultura shqiptare, letërsia dhe artet e saj, merrnin pjesë të drejtpërdrejtë në luftën për pavarësi dhe shkëputje të Shqipërisë nga Perandoria Osmane. Gjithfarë sulmesh i janë bërë kulturës shqiptare, letërsisë dhe arteve të saj nga kritikues të vjetër e të rinj, të cilët s’kanë qenë aspak përkëdhelës me të, megjithatë fakti që asnjëherë në këtë arsenal s’gjendet akuza e shovinizmit shqiptaro-madh tregon se asnjë gjurmë e tillë s’është gjetur dot në të

 

Është hera e parë në historinë e saj që kësaj kulture i bëhet akuza e shovinizmit shqiptaro-madh. Nuk i ishte bërë kjo as në kohërat më të errëta, atëherë kur kultura shqiptare, letërsia dhe artet e saj, merrnin pjesë të drejtpërdrejtë në luftën për pavarësi dhe shkëputje të Shqipërisë nga Perandoria Osmane. Gjithfarë sulmesh i janë bërë kulturës shqiptare, letërsisë dhe arteve të saj nga kritikues të vjetër e të rinj, të cilët s’kanë qenë aspak përkëdhelës me të, megjithatë fakti që asnjëherë në këtë arsenal s’gjendet akuza e shovinizmit shqiptaro-madh tregon se asnjë gjurmë e tillë s’është gjetur dot në të

Në klimën e ashpër dhe nervoze të krijuar në Jugosllavi prej shovinizmit serb, pas ngjarjeve të Kosovës, një pjesë e fushatës është drejtuar kundër kulturës shqiptare, kundër letërsisë, arteve, trashëgimisë kombëtare në përgjithësi, të cilat janë shpallur si nxitëse të turbullirave, të revoltës dhe të irredentizmit në Kosovë.

Në historinë e gjatë shekullore të kulturës shqiptare nuk njihet ndonjë rast tjetër kur ndaj saj të jetë ndërmarrë një sulm kaq i gjerë e gjithë mllef, ku barbaria me injorancën janë në garë me njëra-tjetrën.