Këngëtari Zayn Malik i ka bërë thirrje kryeministrit të Britanisë së Madhe, Rishi Sunak, që "të gjithë fëmijëve që jetojnë në varfëri" t'ua japë nga një vakt shkollor falas.
Në një letër drejtuar Sunakut, ish-ylli i grupit muzikor “One Direction” thotë se ai mbështetej në dreka falas në shkollë kur ishte fëmijë në Bradford.
Ai shkruan se fëmijët po vjedhin ushqimin nga mensat “sepse janë shumë të uritur, por nuk kanë mundësi të blejnë drekën”, raportoi BBC-ja të martën.
Ai po mbështet një fushatë të Fondacionit të Ushqimit që bën thirrje që të gjithë fëmijët në familje me Kredi Universale të kenë të drejtë për ushqime shkollore falas.
Organizata bamirëse vlerëson se 800,000 fëmijë në Angli jetojnë në varfëri, por nuk kualifikohen për ushqim falas në shkollë.
Edhe pse Malik, i njohur tani thjesht si Zayn, nuk është ambasador i bamirësisë, ai tha se ndihej i detyruar t'i shkruante kryeministrit dhe të ndante përvojat e tij.
Edhe
Haradinaj: Qeveria në vend që të bëhej aleate e mësimdhënësve, i ka goditur në xhep e dinjitet
“Këta fëmijë vuajnë nga mungesa e përqendrimit, disa madje përdorin vjedhjen e ushqimit nga mensat e shkollave sepse janë shumë të uritur, por nuk kanë mundësi të blejnë drekë. Ata gjithashtu po ndiejnë turp që po ndikon drejtpërdrejt në shëndetin e tyre fizik dhe mendor. Unë e di se si është ai turp, e kam parë nga dora e parë, pasi u rrita në Bradford, u mbështeta në ushqimet e shkollës falas”, ka shkruar ndër të tjera Malik.
Rreth 1.9 milionë fëmijë në Angli kanë të drejtë për ushqim falas në shkollë, thotë Qeveria, që i bie 22.5% e të gjithë nxënësve.
