Tom Hanks thotë se ka shkruar romanin e tij të parë si një “çlirim nga presioni i pafund” i bërjes së filmave.
Fituesi i dyfishtë i Oskarit po publikon “The Making of Another Major Motion Picture Masterpiece”, i frymëzuar nga karriera e tij në ekran.
Vështirësia e gjatë e xhirimit të një filmi, thotë ai për BBC-në, do të thotë se mund të “mbetesh pa kuriozitet për punën”.
“Ndonjëherë thjesht duhet të kesh ndonjë arsye tjetër për të ndezur imagjinatën tënde”, shpjegoi ai.
Hanks, 66 vjeç, thotë se ka shkruar “gjithmonë” në një formë apo në një tjetër. Koleksioni i tij me tregime të shkurtra, Uncommon Type, u botua në vitin 2017 dhe ka shitur më shumë se 234,000 kopje në Mbretërinë e Bashkuar.
Ai filloi të shkruante romanin me 448 faqe vitin e kaluar.
“Kam shkruar mes filmave, kam shkruar kudo që kam qenë, kam shkruar në aeroplan, kam shkruar në shtëpi, kam shkruar në pushime, kam shkruar në dhoma hoteli, kam shkruar në fundjavë të gjata kur nuk kam punuar”, thotë ai.