Sopranoja shqiptare, Ermonela Jaho ka marr një befasi të këndshme për ditëlindjen e saj nga spanjollët në Teatrin Real të Spanjës pas përfundimit të operës “Madama Butterfly”.
Orkestra, kasti dhe të gjithë në sallë i kënduan asaj “urime ditëlindja”, duke e befasuar atë, transmeton Koha.net.
Ky moment është postuar në faqen zyrtare të Teatrit “Real”.
“Një befasi për Ermonela Jahon pas përfundimit të ‘Madama Butterfly’: Orkestra, kasti, dhe të gjithë në sallë kënduan ‘Urime Ditëlindja’”, thuhet në postimin e Teatrit Real.
Kurse në Facebook sopranoja shqiptare ka falënderuar “nga thellësia e zemrës” të gjithë për këtë befasi.
“Çdo qenie humane e ndjen kur e duan...Ju falënderoj nga thellësia e zemrës sime Madrid”, ka shkruar Jaho në Facebook.
Una sorpresa para @ErmonelaJaho al terminar #MadamaButterflyTR: ¡la orquesta, el reparto y toda la sala le han cantado el Cumpleaños feliz! pic.twitter.com/ZeXshoHLJ7
— Teatro Real (@Teatro_Real) July 19, 2017