Prindërit e këngëtares shqiptare Rita Ora, Besnik dhe Vera Ora, po shijojnë pushimet verore në bregdetin shqiptar, ndërsa ndalesën e fundit e kanë bërë edhe në Ulqin.
Rita ka treguar gjithmonë se e pëlqen shumë ushqimin tradicional shqiptar. E, Vera përmes një videoje në Instagram ka treguar një prej ushqimeve të preferuara të Ritës.
“Speca me gjizë” ka qenë ushqimi për të cilën Vera thotë se bija e saj i ka kërkuar edhe recetën se si ta gatuajë atë në Los Angeles.
“Dita e radhës, Rita Ora ti më pyete se si ta gatuash gjizën me speca në Los Angeles, prandaj ja ku është”, shkroi nëna e këngëtares në mbishkrimin e videos që publikoi.
Ndërkohë edhe vetë artistja me të parë postimin e nënës së saj e rishpërndau atë në InstaStory, duke shkruar në mbishkrimin e saj “Më e mira”.
