Reperi Earl Simmons, më së miri i njohur me emrin skenik, DMX, vazhdon të qëndroj i hospitalizuar dhe në gjendje të keqe shëndetësore.
Sipas raportimeve në media, bëhet e ditur se reperi është në gjendje kome kjo pasi kishte pësuar sulm në zemër gjatë fundjavës. Po ashtu është bërë e ditur se ai ka pësuar dëme të mushkërive dhe trurit dhe aktualisht nuk ka asnjë aktivitet të trurit.
Të premten e kaluar, artisti 50-vjeçar ishte dërguar me urgjencë në spitalin “White Plains” në New York, pasi mjekët emergjent e kishin pranuar një thirrje nga policia. Disa burime mediale e kanë cituar sulmin e tij në zemër si pasojë e mbidozës me drogë, por avokati i reperit, Murray Richman, nuk i ka konfirmuar këto spekulime.
Disa prej familjarëve dhe miqve të yllit DMX kanë pasur mundësi ta takojnë në spital, derisa të tjerët janë mbledhur jashtë dhomës ku ai po trajtohet duke u lumtur për shërimin e tij të plotë.
DMX është i njohur për abuzimin me droga për vite të tëra dhe disa herë ka kaluar kohë edhe në rehabilitim. Ai është i njohur si ikonë e muzikës hip-hop derisa ka pasur bashkëpunime me disa prej artistëve më të mëdhenj të kësaj rryme të muzikës siç janë Jay-Z, Ja Rule, Eve dhe LL Cool J.
Edhe
DMX në gjendje të rëndë shëndetësore nga një sulm më zemër
DMX është po ashtu i njohur për disa role edhe në filma.
{gallery}
