Regjisori i famshëm amerikan, Francis Ford Coppola, të hënën u nderua me yll në shtegun e të famshmëve në Hollywood, njotoi AP-ja të martën.
82-vjeçari ishte i pranishëm në ceremoninë e zbulimit të yllit të tij në bulevardin e famës.
“Mendoj se në pozitën time, është më mirë të japësh komente të shkurtra dhe të sinqerta, dhe sigurisht se jam i kënaqur që emri im është përfshirë në mesin e këtyre personave të mrekullueshëm, shumica prej së cilëve nuk jetojnë më. Prandaj, ju falënderojë të gjithëve nga thellësia e zemrës”, u shpreh ai.
Regjisori, skenaristi dhe producenti i shpërblyer me gjashtë çmime “Oscar”, dhe i cili më së miri njihet për punën në filmat “The Godfather”, është njëri prej gjashtë personave të vetëm që brenda një nate ka fituar çmim akademik për kategoritë, “Filmi më i mirë”, “Regjisori më i mirë” dhe “Skenari më i mirë”. Këtë sukses e arriti në vitin 1974 me filmin “The Godfather: Part II”.
Motra e regjisorit e cila gjithashtu kishte rol në filmat me gangster, Talia Shire, ishte e pranishme në ceremoni krahas aktores, Elle Fanning. Kjo e fundit para të pranishmëve deklaroi: “Puna me një regjisor sikur ju më ka mësuar të jem e shkathët. Po ashtu mendoj se ma ka mësuar mënyrën e të bërit film. Francis përdor gjërat përreth dhe i kthen ato në ari. Këmbëngulja juaj është e dukshme në çdo film, përfshirë këtu edhe jetën reale. Mbaj mend kur më tregove për fëmijërinë tënde të vështirë, kur qëndroje i shtrirë në shtrat si pasojë e sëmundjes ‘poliomieliti’ dhe se si i mbanin fëmijët e tjerë larg teje. Dhe unë mendoj se fatkeqësia që keni përjetuar si fëmijë, thjesht ka kontribuar në një imagjinatë të pandalshme dhe unike të cilën ju e posedoni”, tha Fanning.
Edhe
Harrison Ford nuk do të pensionohet, ani se ka kaluar gjysmë shekulli në Hollywood
Për nderë të 50-vjetorit të lansimit të filmit të parë, “The Godfather”, gjatë muajit shkurt ky projekt u transmetua nëpër kinema të limituara të Shteteve të Bashkuara.
{gallery}
