Është në lidhje qe dy vjet me futbollistin Adil Rami, por Pamela Anderson ka lëshuar një seri akuzash ndaj tij, duke e akuzuar publikisht për tradhti.
Modelja 51-vjeçare ka shpërndarë në Instagram një fotografi të sajën me sportisin 33-vjeçar duke e akuzuar për mashtrim.
“Është e vështirë ta pranoj. Vjetët e fundit ishin një gënjeshtër e madhe. Isha mashtruar, besova... se ishim në dashuri të madhe? Jam e shkatërruar për atë që kuptova në ditët e fundit. Se ai po bënte jetë të dyfishtë. Bënte shaka për futbollistët tjerë që kishin të dashura nëpër rrugë e apartamente afër grave të tyre. I quante monstra ata burra? Por kjo është edhe më keq. Ai gënjeu të gjithë. Si ishte e mundshme të kontrollosh dy zemra dhe mendjet e grave – jam e sigurt se ka edhe tjera”, ka shkruar ajo në një shkrim të gjatë.
Vetë futbollisti s’ka pranuar të flasë për akuzat.
Hera e fundit që ishin parë bashkë si çift ishte më 9 qershor, në Kaliforni.
