Modelja Linda Evangelista është shfaqur në kopertinën e revistës “Vogue” për herë të parë që kur tha se ishte “deformuar” nga një procedurë estetike që shkoi keq.
Në fotografinë e ballinës së revistës, shiriti dhe llastiku janë përdorur për të tërhequr fytyrën, nofullën dhe qafën e saj, duke fshehur problemet e shkaktuara kur një trajtim për ngrirjen e dhjamit e ktheu atë në një gjendje më të keqe, njoftoi BBC të premten.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo"Kjo nuk është nofulla dhe qafa ime në jetën reale, dhe nuk mund të eci me shirit kudo", ka thënë Evangelista për foton.
Ajo i tha revistës se "po përpiqej ta donte veten ashtu siç është".
Ka kaluar pothuajse një vit që kur supermodelja kanadeze, një nga fytyrat më të njohura në pasarelat dhe kopertinat e revistave në vitet 1990 dhe 2000, ishte zhdukur nga qendra e vëmendjes sepse ishte "shpërfytyruar brutalisht" nga procedura e reduktimit të yndyrës.
Ajo tha se trajtimi CoolSculpting - një emër i markës për kriolipolizën, i cili përdor temperatura të ftohta për të reduktuar depozitat e yndyrës, shkoi keq kur një efekt anësor i rrallë u rrit, në vend që të zvogëloheshin qelizat dhjamore.
Evangelista ka thënë tani se po t’i dinte efektet anësore që do t’ia shkaktonte ndërhyrja, nuk do ta ndërmerrte këtë rrezik asnjëherë.