Nëse do të ecni në “shkallët për në parajsë” (nga ang. Stairway to Heaven), atëherë është mirë t’i keni këpucët e përshtatshme. Led Zeppelin i ka prezantuar atletet e reja të licencuara zyrtarisht si pjesë e një bashkëpunimi me kompaninë e veshmbathjeve Vans.
Bendi i prezantoi atletet përmes një tweeti.
Fotografitë i paraqesin dy versione të atleteve të Zeppelin: të cekëta ku shfaqen simbolet ikonike të bendit nga LP-ja e tyre e katërt dhe të thella ku shfaqet fotoja e famshme katastrofale Hindenburg, të cilën Zeppelin e përdori në kopertinën e albumit debutues. Të dy stilet e atleteve e kanë një bazë të zezë, të theksuar me shkrim të bardhë dhe të kuq.
Njoftimi për atletet vjen kur gjithnjë e më shumë aktivitete po paralajmërohen nga kampi i Led Zeppelin. Bendi e festoi 50-vjetorin e vet me një libër fotografish të botuar në tetor ndërkohë që thashethemet për një shërbim streaming të koncerteve po qarkullojnë tash ca kohë.
Në nivel individual, këngëtari Robert Plant e debutoi bendin e tij të ri, Saving Grace, në një performancë në Angli, ndërkohë që performanca të tjera tashmë janë planifikuar. Basisti John Paul Jones do të interpretojë së bashku me kitaristin e Sonic Youth, Thurston Moore, në klubin ikonik londinez 100 Club më 28 mars. Jimmy Page i gjithëpranishëm ka paralajmëruar "gjëra të reja", duke aluduar për një lloj publikimi këtë vit.
Njoftimi për atletet e Led Zeppelin vjen pas disa muajsh spekulimi në Reddit në mesin e fansave të atleteve. Data zyrtare e shitjes ende nuk është paralajmëruar. Vans e ka një histori të gjatë bashkëpunimi me muzikantë. Një bashkëpunim i shumëpritur me David Bowie pritet gjithashtu më vonë këtë vit.
Ndër të tjera, kompania ka lansuar atlete me edicion të limituar për Pearl Jam, Kiss, Slayer, Motorhead dhe Iron Maiden.