Këngëtarja 63-vjeçare, Madonna, i shokpoi fansat dhe dukej disa dekada më e re në moshë, në videoprojektin e saj të ri. Bëhet fjalë për remixin e këngës së saj hit, “Frozen”, e cila për herë ishte lansuar në vitin 1997.
25 vjet më vonë, videoklipi zyrtar i këngës remix tashmë është lansuar në platformën YouTube.
Ylli i hitit “The Material Girl” shfaqet mjaft provokuese e veshur e tëra me të zeza. Dukjen e kompleton me flokët e gjata të bardha dhe stolitë prej diamanti.
Remixit të ri të këngës “Frozen” i janë shtuar tingujt e muzikës elektronike nga DJ dhe producenti Sickick, derisa këngëtari nigerian Fireboy DML e plotëson projektin me pjesën e tij të interpretimit. Regjinë e videoklipit të ikonës së muzikës e ka bërë Rocardo Gomes.
Ikona amerikane e muzikës, Madonna, së fundmi i ka paralajmëruar fansat se është rikthyer në studio incizuese dhe do të lansojë muzikë të re gjatë gjithë vitit.
Edhe
Madonna u premton fansave muzikë të re gjatë vitit të ardhshëm
“Sa mirë të kthehesh në studio dhe të bësh muzikë sërish. Shumë befasi do të vinë gjatë vitit 2022”, kishte shkruar Madonna në një postim në Instagram.
Mbretëresha e muzikës pop gjatë karrierës disa dekadëshe i ka lansuar 14 albume të incizuara në studio. Kënga “Frozen” ishte pjesë e albumit, “Ray of Light”, i cili u lansua në vitin 1998 dhe i shiti 16 milionë kopje anembanë botës.
