A do të kalojë ca kohë para se Kevin Hart ta rifillojë punën pas përplasjes me automobil, e cila e la atë të shtruar në spital dhe ku ai u lëndua rëndë?
“The Blast” ka raportuar se një burim ka thënë se komedianit i është thënë se duhet t’i kalojë të paktën katër muaj terapi fizike përpara se të kthehej në orarin e tij intensiv të aktrimit.
Siç raportoi RadarOnline.com, Hart, 40 vjeç, ishte pasagjer në automobil me shoferin Jared S. Black dhe trajnerin personal të gruas së tij kur ndodhi aksidenti i tmerrshëm, shkruan KOHA Ditore.
Sipas një raporti të California Highway Patrol në 1:45 të mëngjesit të datës 1 shtator, "Black papritmas e humbi kontrollin e automjetit dhe Plymouthi devijoi nga rruga dhe u rrotullua poshtë argjinaturës veriore".
"Dy nga tre udhëtarët u bllokuan në automjet", vazhdoi raporti. "Udhëtari i mbetur dhe pronari i automjetit, Kevin Hart, u largua nga vendi i ngjarjes në rezidencën e tij të afërt për të marrë kujdes mjekësor".
Shpëtimtarët u detyruan ta prisnin pjesën e sipërme të automjetit oldtajmer, i cili është në pronësi të Hart.
Edhe
Askush në aksidentin automobilistik të Kevin Hartit nuk kishte vendosur rrip sigurimi
Një femër e paidentifikuar më vonë e thirri 911 nga shtëpia e tij në Calabasas në kërkim të kujdesit mjekësor për Hart. Femra u lut që "dikush të shkonte ta merrte Hartin".
"Nuk e di se çfarë ka ndodhur", tha ajo, "Ai nuk kuptohet dot fare... ai nuk mund të lëvizë".
