Kur flitet për një festival, të gjithë këngëtarët duan një këngë të mirë, e cila do të rrëmbejë edhe një çmim, sepse kur i futen një gare, e pranuan ose jo, të gjithë duan të dalin me një trofe. Ndërsa, fjalia e famshme ‘me rëndësi pjesëmarrje’ mbetet thjesht një refren për ta ngushëlluar veten.
Megjithëse viteve të fundit është trend që këngët të lansohen me videoklipe për t’u promovuar sa më shumë dhe për t’u shndërruar në hit, nuk mund të anashkalojmë faktin se edhe festivalet sjellin shpesh shumë hite, raporton KTV.
Ka këngë që fitojnë çmime, por nuk arrin të dëgjohen shumë sikundër që edhe e kundërta që disa këngë bëhen menjëherë hite, por pa çmime.
