Këngëtari i grupit “Foo Fighters”, Dave Grohl ka pranuar se e ka tradhtuar bashkëshorten Jordyn Blum dhe se ka një fëmijë jashtëmartesor, raporton “Daily Mail”.
55-vjeçari e ka pranuar këtë nëpërmjet një postimi në “Instagram” të martën.
“Së fundi jam bërë baba i një vajze jashtëmartesore. Planifikoj të jem një prind i dashur dhe përkrahës për të. Unë e dua bashkëshorten time dhe fëmijët e mi dhe po bëj çdo gjë që mundem për të rifituar besimin e tyre dhe po ashtu të meritoj faljen e tyre”, ka shkruar Grohl.
Grohl dhe Blum (48) janë takuar në vitin 2001 dhe u martuan në vitin 2003. Ata kanë tri vajza – Violetën, Harperin dhe Ophelian. Blum më herët ka punuar si modele dhe producent televizive.
Ylli i muzikës rok, Grohl, që shpesh ishte përshkruar si “familjar”, kishte folur në të kaluarën për rëndësinë e familjes.
