Artistja e njohur amerikane, Billie Eilish, do të performojë e maskuar sikur Sally nga filmi, “The Nightmare Before Christmas”, në koncertin e ardhshëm të Danny Elfmanit.
Këngëtarja e shpërblyer me “Grammy” do të performojë në skenën e vendosur në stadiumin, “Banc of California Stadium”, më 29 tetor në Los Angeles. Atje, Eilish do ta interpretojë këngën “Sally’s Song” nga filmi klasik i vitit 1993.
Kompozitori i famshëm, Danny Elfman, e ka bërë të ditur lajmin përmes një postimi në Twitter, ku shkruhej: “Jam absolutisht i lumtur që Billie do të na bashkëngjitet në këtë ngjarje me temë makthin. Do të jetë një koncert i mrekullueshëm për Halloween”.
Gjatë javës së kaluar, ylli i hitit “Ocea’s Eyes” e pranoi se frikësohej nga reagimi i saj emocional, në momentin që do ta dëgjojë kolonën zanore të filmit të ri me James Bondin, në ekran të madh. Këngëtarja 19-vjeçare e interpreton këngën e filmit me të njëjtin titull, “No Time To Die”.
Filmi i shumëpritur nga publiku, më në fund e shënoi premierën botërore në Londër, dhe kantautorja së bashku me vëllain e saj e shoqëruan kastën e aktorëve yje të këtij projekti mbi qilim të kuq.
Billie dhe Finneas e kanë shkruar këngën “No Time To Die”, dhe që të dy mezi kishin pritur ta dëgjojnë atë në ekran të madh, pasi e konsiderojnë këtë një moment të madh në karrierën dhe jetën e tyre.
Në lajme të tjera, ylli i hitit “Bad Guy”, është konfirmuar si një prej artisteve kryesore që do të peformojë në festivalin e muzikës “Glastonbury”, vitin e ardhshëm.
Në këtë mënyrë, Billie Elish, bënë histori si solo artistja më e re në moshë që do të ketë performanë titullare në këtë skenë.
Këngëtarja 19-vjeçare së fundmi e pranoi se nuk kishte ide çfarë është “Glastonburry”, deri në momentin që iu bë ftesa për të performuar në festival. Eilish e cila është rritur në Los Angeles, interpretoi për herë të parë në këtë ngjarje në vitin 2019, dhe e pranoi se më herët nuk e kishte ditur që kjo ngjarje ishte aq legjendare dhe shumë e përlqyer nga publiku mbarë botëror.
Gjatë kësaj vere, festivali “Glastonburry” u anulua për të dytin vit, si pasojë e pandemisë së vazhdueshme COVID-19. Por, festivali rikthehet nga 22-26 qershori i vitit 2022.
We are very excited to confirm that @billieeilish will headline the Pyramid Stage on the Friday night at Glastonbury 2022, to become the Festival's youngest ever solo headliner. This will be her first UK festival headline performance. pic.twitter.com/k307gNKyAU
— Glastonbury Festival (@glastonbury) October 4, 2021
