Ylli i njohur i muzikës, Billie Eilish, vjen në rolin e prezantueses dhe performueses së emisionit “Saturday Night Live”, muajin e ardhshëm. Pop ylli 19-vjeçar do ta marrë përsipër këtë rol të dyfishtë të shout shumë të ndjekur humoristik, në episodin e 11 dhjetorit.
Këngëtarja reagoi ndaj këtij lajmi të mirë në rrjetin social Instagram, duke shkruar: “AHHHHHH!!! Do ta prezantoj dhe do të performoj në ‘SNL’. Një çmenduri e vërtetë, më vjen të bërtas nga gëzimi. Shihemi më 11 dhjetor në kanalin NBC”.
Eilish e kishte shënuar debutimin si performuese e shout “SNL” në vitin 2019, me interpretimin e hitit “Bad Guy”, krahas vëllait dhe bashkëpunëtorit të saj, Finneas.
Burri më sekski në botë i emëruar nga revista “People”, Paul Rudd, po ashtu është konfirmuar si prezantues i emisionit “Saturday Night Live” më datë 18 dhjetor, kurse perfomuese e asaj mbrëmjeje do të jetë këngëtarja, Charli XCX.
Edhe
Billie Eilish do të debutojë si aktore në një film të madh
Në lajme të tjera, së fundmi u zbulua se Billie Eilish dhe Finneas i kanë krijuar disa këngë për filmin e ardhshëm të animuar të studiove “Disney” dhe “Pixar”, me titull “Turning Red”.
Dyshja e famshme e muzikës, të cilët po ashtu gjenden prapa kolonës zanore të filmit të fundit me James Bondin, “No Time To Die”, i kanë shkruar tri këngë për projektin i cili pritet të pëlqehet shumë nga të gjithë adhuruesit e filmave të animuar.
Kënga e parë me titull “Nobody Like U” përfshihet në trailerin e sapo lansuar të filmit, i cili për publikun mbarë botëror pritet të lansohet më 11 mars të vitit 2022.
