Reperi i mirënjohur botëror, Kanye West, ka publikuar trailerin për albumin e tij të ri “Vultures”, raporton “People”.
Albumi i cili është realizuar në bashkëpunim me reperin Ty Dolla $ign do të lansohet më 9 shkurt.
Kanye trailerin për albumin e publikoi në llogarinë e tij në Instagram.
Në trailerin, regjinë e të cilit e ka bërë, Jon Rafman, shihen disa klounë që qeshin, eksploziv, ujq, njerëz me maska si dhe shpendë grabitqarë (vultures).
Në fund të trailerit bëhet e ditur se albumi ndahet në tri vëllime, i pari prej të cilëve do të lansohet më 9 shkurt, i dyti më 8 mars e i treti më 5 prill.
Nëpër storiet e tij të Instagramit, Kanye ka ndarë edhe dizajnet e ballinave të tyre.
Për këtë album si dhe këngën “Vultures”, Kanye ka marrë kritika të mëdha për shkak se tekstet e këngëve e mënyra se si ai e ka promovuar albumin, janë cilësuar si antisemitike.
VIDEO:
