Emisionet e orëve të vona me të famshmit e Hollywoodit janë rikthyer pas përfundimit të grevës së skenaristëve e aktorëve, raporton Female First.
Pas pesë muajsh greve, Writers Guild of America (WGA) ka arritur një marrëveshje për t'i kthyer skenaristët në punë, gjë që do të thotë se të famshmit e emisioneve të orëve të vona, Jimmy Fallon, Jimmy Kimmel, Stephen Colbert dhe Seth Meyers ishin përsëri në transmetim të hënën 2 tetorit.
“Dua vetëm të them se jam shumë i lumtur që të gjithë skenaristët më në fund arritën marrëveshjen e tyre të drejtë që e meritonin”, ka thënë Jimmy Fallon duke i mbështetur skenaristët. “U deshën pesë muaj për të arritur marrëveshjen. Bllokimi përfundoi më në fund kur studiot kuptuan se duhet t'i japin fund kësaj tani ose do të kalojnë edhe tre muaj të tjerë duke parë serialin ‘Suits!' ", shtoi ai.
Ai përqafoi tavolinën e tij para se të ulej dhe të fliste se sa "mirënjohës" është për emisionin e tij.
Ndërkohë, ylli tjetër i bisedave të natës Stephen Colbert pranoi se ndihej “mirë që u kthye”.
"Por tani greva e skenaristëve ka mbaruar me një kontratë të re që përfshin mbrojtje kundër inteligjencës artificiale, rritjes së kostos së jetesës, pagë më të mirë për transmetuesit”, shtoi Stephen.
Ai tha se duke ju falënderuar grevës, skenaristët e aktorët morën ajër të pastër e rreze dielli pasi qëndruan jashtë zyrave.
Greva u bë për shkak se skenaristët e aktorët e Hollywoodit kundërshtuan përdorimin e IA dhe kërkonin paga më të mira.
Përgatiti: Vita Abrashi - Kajtazi
© KOHA. Të gjitha të drejtat janë të rezervuara.
