Ylli i muzikës Nelly Furtado ka bërë një rikthim të fuqishëm në skenë përmes reklamimit të veshjeve të brendshme nga brendi i Kim Kardashian “skims”.
Daily Mail e ka cilësuar të jashtëzakonshme paraqitjen e saj në këtë reklamë.
44-vjeçarja kanadeze bëri rikthimin e saj pas shumë vitesh në skenë në ngjarjen e ndarjes se çmimeve të MTV muajin e kaluar.
Në reklamën e “skims” kanadezja u vesh me veshje të brendshme njëpjesëshe me ngjyrë krem neutrale që Kimit i pëlqen ta quajë “ngjyra e trupit”.
Nelly në këtë kampanjë u bashkua me shumë yje të tjerë si Kim Cattrall, Coco Jones dhe Lana Condor.
Reklama e veshjeve të famshme të brendshme u publikua në faqen e Intagramit të brendit të hënën.
“Prezantimi i më të mirëve të SKIMS: @KimCattrall, @NellyFurtado, @CocoJones, @HariNef dhe @LanaCondor veshin koleksionet tona më virale dhe më me ndikim”, shkruante në publikimin që kishte bërë brendi.
Postimi deri tani ka grumbulluar më shumë se 30,000 pëlqime nga 5.3 milionë ndjekësit e faqes.
Këngëtarja e hitit “Promiscuous Girl” gjatë reklamës për veshjen tha se ia ngritë humorin sepse materiali i krijon ndjesi shumë të mirë në trup.
Fansat shprehën miratimin e tyre në komentet e postimit.
“Ky ekip marketingu e ka kuptuar mirë detyrën”, ka shkruar një fans.
“Rilindja Nelly Furtados vazhdon!”, shkroi një tjetër fans në komentet e postimit.
© KOHA. Të gjitha të drejtat janë të rezervuara.
