Ikona e zhanrit R&B do të ngjitet se skenën e stadiumit “Allegiant” të Las Vegasit më 11 shkurt të vitit 2024 për të performuar në spektaklin e mirënjohur “Super Bowl”.
Apple News nxori video të shumta promovuese me yje si Kim Kardashian, Deion Sanders, Odell Beckham Jr. dhe Marshawn Lynch duke i dhënë lajmin emocionues të shfaqjes Usherit që tingëllonte skeptik në një telefonatë.
Klipet fillojnë me Usher të ulur në një kabinë incizimi duke shkruar tekste këngësh. Më pas ai ndërpritet nga zilja e celularit të tij, me personazhe të famshëm duke i treguar atij lajmin se do të performojë në krye të “Super Bowl”.
Ai nuk e beson në fillim, por përfundimisht lejon që lajmi i rëndësishëm të depërtoi tek ai.
“Jam që tani në sheshxhirim duke xhiruar promon. Dua që të bëheni gati”, thotë Usher.
Ky vit do të shënojë vitin e pestë të partneritetit midis “NFL” dhe “Roc Nation” për të prodhuar “Halftime Show”, pas një marrëveshje të arritur në vitin 2019.
Ky partneritet ka rezultuar në shfaqje gjysmë-kohore nga Shakira dhe Jennifer Lopez (2020), The Weeknd (2021), një vitrinë e hip-hopit që ishte ankoruar nga Dr. Dre, Snoop Dogg, Eminem, Mary J. Blige dhe Kendrick Lamar (2022), dhe Rihanna (2023).
Përveç kryesimit të “Super Bowl Halftime Show 2024”, Usher do të publikojë edhe albumin e tij të ardhshëm, “Coming Home”, më 11 shkurt 2024. Kjo shënon albumin e tij të parë të ri që nga “Hard II Love” i vitit 2016, i cili arriti kulmin në pozitën nr. 5 në listën e 200 më të mirëve në “Billboard”.
“Coming Home” do të ketë publikimin e mëparshëm të këngëtarit fituese të çmimit “Grammy” në vitin 2023 "Good Good," me “Summer Walker” dhe “21 Savage”.
Përgatiti: Vita Abrashi-Kajtazi
© KOHA. Të gjitha të drejtat janë të rezervuara.
