Marc Anthony dhe Nadia Ferreira kurorëzojnë me martesë dashurinë e tyre
Marc Anthony dhe Nadia Ferreira janë martuar.
Çifti tha “Po” gjatë një ceremonie të mbajtur në Muzeun e Artit Perez në Miami, Florida, të shtunën në mbrëmje.
Anthony, 54, dhe Ferreira, 23, u shoqëruan nga miq të ndryshëm të famshëm, duke përfshirë David dhe Victoria Beckham, Salma Hayek, Lin Manuel Miranda dhe Luis Fonsi, sipas mediave, shkruan The People.
Romeo Santos, Maluma, Marco Antonio Solis dhe vëllai i Anthonyt, Bigram Zayas, gjithashtu morën pjesë në dasmë dhe shërbyen si dëshmitarë.
Për ditën e saj të veçantë, Ferreira veshi një fustan nusërie të dizajnuar nga Galia Lahav, i cili paraqiste “detaje të bukura dantelle dhe një bisht të gjatë dhe voluminoz”. Ndërkohë, Anthony kishte veshur kostum nga Christian Dior.
